嶠媽懷二寶過程的記錄～Gifthing
其實由芊嶠一歲個陣開始，已經認識 Gifthing，佢地有好多產品，有 First Year 紀念相架，有 Baby Memories Book，有乳齒收納盒，有手泥，有孕媽媽紀錄冊。嶠媽一知道有左二寶，就即刻買左一本Gifthing既孕媽媽紀念冊，因為真係好想紀錄懷孕既一切，哩本野有幾正，等嶠媽介紹下啦！
一打開就會有一個位可以放一支野，大家估下放咩？係喇，就係放你確定Bingo既個支驗孕棒喇！但嶠媽係用驗孕試紙，所以就冇放落去喇！另外仲有紙尺，可以比孕媽媽量肚size，仲有記住寫埋confirm Bingo日期呀，右邊有位比準媽媽同準爸爸寫低你地既知道將有bb來臨加入既感受。
之後個頁就係有位比你貼超聲波相，嶠媽就將細佬既3D超聲波相貼左上去，再mark埋照時日期，又一個好好既紀念。之後個幾頁係比嶠媽貼孕照架，由2 months 至 9 months，雖然成日聽人講十月懷胎，其實孕期只係9個月多d架咋，所以貼相位都只係去到9個月，因為第二胎既關係，嶠媽個肚的確係大得好快！
尾2個頁就係貼bb既出生照喇，仲有位寫低佢既出生資料，右邊就有d信封仔，係比我地想有d秘密想寫低，就可以用紙仔寫低再入落信封仔到，其實都幾得意。雞蛋仔出世，曬埋佢既相，寫返低佢既資料，咁哩本孕媽媽紀錄冊就完成架喇！希望雞蛋仔大個，再拎返出黎睇，會有更多既感觸同回憶。媽媽永遠會記住同你心連心，你住係我肚入面個9個月架！
～～～～～～～～～～～～～～～～～～～
網址：http://www.gifthing.com/
～～～～～～～～～～～～～～～～～～～
Search